Posted on: May 27th, 2017
MASHINDANO YA UMISETA YAFUNGULIWA RASMI WILAYANI MBOGWE
Mashindano ya UMISETA yamefunguliwa rasmi wilayani Mbogwe na Kaimu Afisa Elimu Sekondari Bi Exaveria Mlowe katika shule ya Sekondari Masumbwe ambapo jumla ya wanafunzi 50 kutoka tarafa za Mbogwe, Ilolangulu, na Masumbwe wataweka kambi ya siku tatu katika shule hiyo wakijiandaa kwenda kuwakilisha wilaya kwenye mashindano ya mkoa.
Akiongea wakati wa ufunguzi Kaimu Afisa Elimu Sekondari amewataka wanafunzi walioingia kwenye mashindano hayo wajitume kwani michezo inahitaji kujituma na nidhamu ya hali ya juu, hivyo watakaochaguliwa kuwakilisha wilaya wakajitume ili kuleta kombe la ushindi wilayani kwetu.
Kauli mbiu ya UMISETA mwaka huu “wekeza katika michezo kwa ustawi wa elimu na viwanda Tanzania”
